APEL PËR NDIHMË – PËR VAJZËN TIME AJRËN ❤️

Të dashur familjarë, miq, bashkatdhetarë dhe të gjithë njerëzit me zemër të mirë,

Po ju drejtohem me zemër të thyer si nënë, për t’ju kërkuar ndihmë për vajzën time Ajrën, e cila po përballet me një gjendje të rëndë shëndetësore dhe me kriza të shpeshta epileptike.

Për shkak të gjendjes së saj, mjekët kanë rekomanduar që Ajra t’i nënshtrohet vendosjes së aparatit VNS (stimuluesit të nervit vagus) jashtë vendit. Ky trajtim është urgjent dhe për familjen tonë kostoja është shumë e madhe për ta përballuar e vetme.

Prandaj, sot po kërkojmë ndihmën tuaj. Çdo kontribut, sado i vogël, për ne është një shpresë e madhe dhe një hap drejt trajtimit të Ajrës. Nëse nuk keni mundësi të ndihmoni financiarisht, ju lutem shpërndajeni këtë apel, sepse edhe një shpërndarje mund të na ndihmojë të arrijmë tek dikush që mundet.

Ju lutem, na ndihmoni që Ajra të ketë mundësinë të marrë trajtimin për të cilin ka nevojë.

Zoti jua shpërbleftë çdo ndihmë, çdo lutje dhe çdo shpërndarje. ❤️